అల్లు అర్జున్ మూవీలో నయనతార నటిస్తుందా? నిజంగానా...?

టాలీవుడ్ స్టైలిష్ స్టార్ అల్లు అర్జున్ హీరోగా త్రివిక్రమ్ శ్రీనివాస్ దర్శకత్వంలో తెరకెక్కనున్న చిత్రానికి సంబంధించి రోజుకో వార్త షికారు చేస్తూ ఉంది. యాక్షన్ కింగ్ అర్జున్ విలన్ గా నటించబోతున్నాడనే వార్త అలా తిరుగుతుండగానే తాజాగా ఈసినిమాలో ఓ ప్రత్యేక పాత్ర కోసం నయనతారని తీసుకుంటున్నట్టుగా ప్రచారం జరుగుతోంది.

 

త్రివిక్రమ్ దర్శకత్వంలో తెరకెక్కబోతున్న చిత్రంలో అల్లు అర్జున్ సరసన ఓ హీరోయిన్ సమంత కాగా మరో హీరోయిన్ గురించి త్రివిక్రమ్ తెగ ఆలోచించాడట. చిట్టచివరికి నయనతార అయితే అదిరిపోద్ది అనుకుని ఆమెను సంప్రదించాడట. నయనతార దానికి తల ఊపాల్సి ఉన్నట్లు టాలీవుడ్ న్యూస్. 

 

అల్లు అర్జున్ సరసన నయనతారను ఊహించు కోవడం కష్టమే. ఐతే ఇక్కడ ట్విస్ట్ ఉందని కొందరు అంటున్నారు. అదేమిటయా.. అంటే అల్లు అర్జున్ కంటే వయసులో పెద్దదిగా ఉన్నట్లు కనిపించే నయనతారకు తగ్గ పాత్ర అందులో ఉందట. దాని ప్రకారం నయనతార అయితేనే దానికి సరిపోతుందని చెపుతున్నారు. చూద్దాం... ఒకవేళ నయనతారను తీసుకుంటే త్రివిక్రమ్ ఎలా చూపిస్తాడో...?!!